Hartlich Willkommen!

 

Een ganz besünnere Freid is dat för mi düt Johr un`s Nachwuchs vörtostellen.

Düt Johr dat ganz neit mit dorbi sünd:

Lisa Peters

Lisa is de öllste Dochter vun Frank un Birgit Peters un düt Tour dat ierste Mol mit an`n Start. Lisa hett schon een beten plattdütsche Erfahrung. Se övt giern mol mit Papa Frank den Text in. Frank is jo schon een ganze Wiel bi uns dorbi. Genauer seggt, steiht he düt Johr al 21 Johr in Ilstörp op de Bühn. Lisa is an 15.3.1995 geburn un dormit de tweitjüngste bi uns in de Truppe. Ik frei mi düchtig, dat du dorbi bist leeve Lisa un keen weet, viellicht steihst du jo ok nächstes Johr wedder mit op de Bühn. Nu wünscht wi di för diene Priemerie „Toi! Toi! Toi!“

Kim Wittkowsky

Kim is an 10.10.2002 gebuurn un dormit de Jüngste in un`s Truppe. Ok Kimm kummt ut een ole „Schauspeelfamilie“. Ehr Uropa Helmut Schmurawski hett lange Johrn hier in Ilstörp mit op de Bühne stahn. Ik sülbst bün mit 17 Johrn anfungen Theoter to speeln, wer weet Kim wat du noch so allens op de Bühne beleevst. Dat du mitspeelst find ik würklich schön un frei mi düchtig doröber. Op jeden Fall wünscht wi un`s Küken för ehre Premiere „Toi! Toi! Toi!“