Porträt: Bernd Kühl (2017)

 

Wenn dat nieget Stück utsöcht is un een poor Biller makt sünd, is dat wedder an de Tied sik mit een vun uns Mitspeelers to drepen un een beden vun un öber em to vertellen.

Dütmal is Bernd an de Tour. Bernd Kühl ut Ilsdörp. 

                                            

Normaler Wies is dat so, dat ik to em nah Huus för, ober dittur kummt Bernd to mi ..

Egentlich kummt Bernd gornich ut Ilsdörp. He is in Ottendörp upwusen, wo he an 14. September 1966 geboorn is. He würr ober nich dat eenzige Kind vun Ulrich und Helga Kühl. Nee, he is dat Küken in de Familie. Tosammen mit seine ölleren fief Bröder, Hans-Ulrich, Helmut, Werner, Dieter und Günther, hett he Ottendörp un de ganze Ümgegend op`n Kopp stellt. Söss Jungs! Dat is een halve Footballmannschaft und dat wür ok Bernd seine grode Leidenschaft. Acht Johr hett he bi den Footballvereen Ahlerstedt/Ottendorf speelt.  

Hier is Bernd ok to School gahn, toierst in de Grundschool in Ahrensmoor-West, dornah güng dat denn mit siene schulische Karriere wieder up die Orientierungstufe un up de Realschool in Harsefeld, wo he denn ok sien Afschluss makt hett.

Liert hett he Eenzelhandelkoopmann in Buxtu bi`n Suba Center, so hett de Laden dormals noch heten, nu is dat jo Marktkauf. Dornoh hett Bernd dann fief Johr up`n Bau bi „Passon“ arbeit. Siet August 2000 is he bi „Gerd Heinssen – Baustoffe“ in Homborg anstellt.

Siene Sigrid hett he übrigens ok all während siene Utbildung kennenliert. Siet 1985 sünd Siegrid Wiegers un Bernd nu all een Poor. De Beiden hebbt sik hier een schönet Huus baut.  Wohnen deit Bernd allerdings all schon 31 Johr hier in Ilstörp, wo he ok nich mehr wech to dinken is.

Hier geev un givt dat jo ok een Footballvereen, wo he ok aktiv würr, sogor in de 1. Herren. Bit nu is Bernd over noch nich vun Footballplatz wech to dinken. Tosammen mit sein besten Fründ Jan Meyer, is he op`n Sportplatz „De Mann för alle Fälle“.  Dor ward den Bänke baut oder wat reapriert un af un an givt dat ok mol een Lütt`n in Werner seine Hütte.

Giern tovt Jan un Bernd sik ok bi Meyer`s op Hoff ut. Dor ward denn bastelt und forscht un ok een beeten dumm tüch makt. Aventüür sünd dor nich utgeschloten ...

Een grodet Aventüür, würr dat denn ok as Bernd dat ierstemal in Ilstörp op de Bühne stahn hett.  To`n Theoterspeeln hett Uwe Keller em bröcht. Bi de Mannschaftsfier vun de „Old Boys“ würr de „mündliche“ Verdrach an Tresen schlaten. Un so duer dat denn ok nich lang und de Beiden würrn sik handelseinig.

2013 in dat Stück „De Aantenkrieg“ stünn Bernd dann dat ierste Mal in Ilstörp as Ringrichter und jugendlicher Liebhaber op de Bühne.

                          
                                                  (2013, De Aantenkrieg)

Dat schöne an Bernd is, dat he „Plattdüütsch“ upwasen is un de Sprak sehr good beherrscht. De kann viellicht rappeln! Dor mut ik as Regie denn so manchet mol op denn „Slowmotion-Knopp“ drücken, ober dat leeve Bernd, makt mi gornix ut. Di regt dat denn so af un an doch mol op, wenn ik di wedder bremsen mut un denn hürt man doch tatsächlich ut Bernd sien Mund een klartet und dütlichet: „De Regie nervt!!“ Verstah ik gornich Bernilein.

Am leevsten speelt Bernd de Rull vun eenen Polizisten. He find de Arbeitskleidung, een Polizeiuniform, so schick.

                          
                                         (2015, Krüüzfohrt in Schwienstall)

Ober ik glöv jo, dat he seine Rull in „Landeier“ ok sehr giern spellt hett, denn dor dröv he sich so`n bidden nackig maken ...

                          
                                                       (2014, Landeier)

Leeve Bernd du büst een dullen un netter Minsch, dat makt düchtig Spoß mit di op de Bühne to stahn. Un wenn du so af un an bi de ganze Öberei een vun diene herrlichen „Lachflash“ kriegen deist, denn is dat to un to schön ...

Up jeden Fall passt du wunnerbar in uns Gruppe un blivst hoffentlich noch lange bi uns. Besünners ober freit mi, dat di dat Theoterspeeln so veel Spoß makt, ok wenn die de Regie af un an mal nervt ...

(Heike Meyer)